Në Prizren u mbajt punëtoria për Edukimin Mediatik me mësueset, e cila ka për qëllim pajisjen e mësueseve me metodologjitë me të cilat ato mund t’i sfidojnë nxënësit për t’i identifikuar, menaxhuar, raportuar dhe eliminuar lajmet e rreme. Me zhvillimin e teknologjisë po bëhet çdo ditë e më i vështirë vlerësimi i lajmeve dhe informatave të vërteta dhe korrekte dhe përmes këtyre punëtorive mësueset po mundohen t’i rrisin aftësitë e tyre për t’i mësuar nxënësit se si të mbrohen nga dezinformimi.
Kjo punëtori u udhëhoq nga Annea Hapçiu, ku pjesëmarrëset shqyrtuan llojet e lajmeve të rreme, mënyrën e luftimit, identifikimin e lajmeve të rreme, si dhe analizuan raste per studim të lajmeve të rreme dhe atyre të paanshme.
