Kryeministri Albin Kurti, pas akuzave ndaj ministres së Punëve të Jashtme, Donika Gërvalla për deklaratën e saj ndaj Gjykatës Speciale në vitin 2017, ka thënë se Gërvalla e mbron dhe e afirmon luftën çlirimtare dhe UÇK-në.
Në takimet me ndërkombëtarë, ajo e shpjegon agresionin dhe krimet e Serbisë gjatë luftës në Kosovë si pakkush tjetër, ka thënë Kurti në postimin e tij në Facebook.
Dje, duket që filloi një fushatë kundër zëvendëses sime dhe ministres së MPJD, znj. Donika Gërvalla, me tezën se ajo nuk e respekton UÇK-në. Është interesante qysh kjo fushatë nuk nisi kur znj. Gërvalla erdhi në listën tonë zgjedhore e as kur u emërua ministre, por tash që u kthye nga vizita e suksesshme në Bruksel.
Znj. Gërvalla e mbron dhe e afirmon luftën tonë çlirimtare dhe UÇK-në. Në takimet me ndërkombëtarë, ajo e shpjegon agresionin dhe krimet e Serbisë gjatë luftës në Kosovë si pakkush tjetër.
