Mbi njëzet të rinj nga Kaçaniku morrën pjesë në punëtorinë për Edukimin Mediatik të mbajtur në Qendrën Rinore “Shtëpia e Shpresës” – në Kaçanik, të cilët patën rastin të analizojnë, vlerësojnë dhe diskutojnë për mënyrën se si krijohen lajmet dhe se si ndikojnë ato në shoqëri. Ata shqyrtuan llojet e lajmeve të rreme, mënyrën e luftimit, e plotësuan një kuiz ku identifikuan lajme të rreme, analizuan raste per studim, të lajmeve të rreme dhe atyre të paanshme.
Punëtoria u udhëhoq nga tri përfituese të trajnuara, Anda, Fitorja dhe Kreshnikja, nga programi ynë për fuqizimin e grave dhe vajzave të reja, të cilat e përdorën metodologjinë e krijuar nga Annea Hapçiu, për të rritur vetëdijen dhe aftësitë kritike të të rinjve për vlerësimin, analizimin dhe identifikimin e informatave të cilat i krijojnë, konsumojnë dhe shpërndajnë.
Kjo punëtori e Edukimit Mediatik është një nga pesë punëtoritë që do të mbahen me të rinj, të reja dhe edukatore/ë nga: Kaçaniku, Malisheva, Vitia, Skenderaj, Deçani, Prishtina dhe Prizreni.
