“Lajmi i rremë është si akulli, sapo të jetë në kontakt me nxehtësinë e së vërtetës, ajo shkrihet shpejtë dhe papritur avullohet”.- Oche Otorkpa
Në Deçan, rreth 30 të rinj morën pjesë në punëtorinë interaktive për edukimin mediatik, rreth lajmeve të rremeve. Pas ligjeratës së mbajtur nga tri përfituese të trajnuara, Artiola Babuni, Fitore Bekteshi dhe Foleta Berisha, nga programi ynë për fuqizimin e grave dhe vajzave të reja, pjesëmarrësit/et përdorën metodologjinë e krijuar nga Annea Hapçiu, për ta rritur vetëdijen dhe për t’i rritur aftësitë kritike për vlerësimin, analizimin dhe identifikimin e lajmeve të rreme.
Ato gjithashtu u inkurajuan t’i vërtetojnë informatat, përmes platformave online dhe aplikacioneve të ndryshme para se t’i krijojnë, t’i konsumojnë dhe t’i shpërndajnë postimet në media sociale.
Kjo punëtori e Edukimit Mediatik është një nga pesë punëtoritë që do të mbahen me të rinj, të reja dhe edukatore/ë nga: Kaçaniku, Malisheva, Vitia, Skenderaj, Deçani, Prishtina dhe Prizreni.
