Më 19 nëntor, nga ora 10:00 deri në 12:00 në KosovaLive u mbajt ngjarja interaktive “Womair”, e cila kishte për qëllim informimin e djemve, vajzave, grave, burrave, çifteve dhe të gjithë të interesuarve, pa dallim, për mënyrat më efektive për përmirësimin e cilësisë së ajrit në hapësira të brendshme dhe të jashtme.
Annea Hapciu, këshilltare për inovacion në Kosovalive, foli per qëllimin e organizimit të ngjarjes “Womair”.
E ftuar ishte Enisa Serhati, kordinatore e projektit “Healthier Kosovo” në UNDP, e cila foli për rëndësinë e cilësisë së ajrit në hapësirat e jashtme dhe të brendshme.
Gjithashtu Dion Deva, bashkëthemelues i “Te Pema” foli për llojet e bimëve si dhe për ndikimin e tyre në cilësinë e ajrit dhe në shëndetin e njeriut.
Gjatë ngjarjes pjesëmarrësit paten rastin t’i shohin edhe disa video edukative vetëdijësuese të cilat ishin punuara enkas me sygjerime për rritjen e cilësisë së ajrit.
Në fund të ngjarjes pjesëmarrësit morën lule të cilat shërbejnë për pastrimin e ajrit në ambientin ku jetojnë.
Ky aktivitet u organizua nga KosovaLive në kuadër të projektit “Healthier Kosovo”, të mbështetur nga Qeveria e Luksemburgut dhe implementuar nga UNDP Kosovo, UN Volunteers (UNV), World Health Organization (WHO).
