Ka vdekur aktori i njohur, Rasim Thaçi Cima, në moshën 71 vjeçare. Lajmin e kanë bërë të ditur familjarët e tij.
Aktori Thaçi ka vdekur nga COVID-19 në Klinikën Infektive,
Me rastin e ndarjes nga jeta të artistit Rasim Thaçi- Cima, kryetari i LDK-së, Lumir Abdixhiku dërgon telegram ngushëllimi familjes Thaçi., thuhet në komunikatën për media e LDK-së.
“E nderuara familje Thaçi,
Me pikëllim pranova lajmin për ndarjen nga jeta të familjarit tuaj, artistit tonë të madh Rasim Thaçi – Cima.
Cima do të mbetet artisti jonë më i dashur për shumë breza që e kanë ndjekur në skenë, e kanë shikuar në television dhe e kanë duartrokitur për shumë vite.
Cima u dha buzëqeshje e i ngrohi zemrat tona në ditë gëzimi, e sidomos në ditët më të rënda për vendin tonë.
Cima ishte dhe do të mbetet një nga yjet më të ndritshëm të një plejade artistësh që i dhanë ngjyrë epokës së historisë të vendit tonë, shumë dashuri dhe në këmbim mori duartrokitjet dhe mirënjohjen e pafund, ashtu siç e donte ai.
Më lejoni që t’ju shpreh ngushëllimet më të sinqerta për humbjen e familjarit tuaj, Rasim Thaçi dhe ikjen e artistit tonë të dashur”.
