Stacioni policor në Kaçanik, nga Drejtoria Rajonale e Policisë në Ferizaj ka vazhduar së zbatuari planin operativ ,,Mbrojtja e pyjeve 2021”, lidhur me prerjen e pyjeve dhe transportin ilegal të drunjëve.
Në kuadër të këtij aksioni, policia në Kaçanik ka hasur një person të dyshuar i cili kishte prerë dhe vjedhur drunjë në bjeshkët e fshatit Dubravë të Kaçanikut.
Ai po i transportonte drunjët me një kamion, të njëjtin policia e ka shoqëruar në stacionin policor të Kaçanikut dhe pas intervistimit, nga ana e policisë, zyrtarët e pylltarisë i kanë shqiptuar fletëparaqitje, ndërkohë që kamioni dhe drunjët i janë konfiskuar për procedura të mëtutjeshme.
Drejtoria Rajonale e Policisë në Ferizaj, do të vazhdojë me aksione të tilla edhe në ditët në vijim, në parandalim të prerjeve të pyjeve dhe transportit ilegal të drunjëve, thuhet në postimin në Facebook të Policisë së Kosovës.
