Komuna e Prishtinës ka bërë të ditur se sot drejtori i Drejtorisë së Inspekcionit, Florian Dushi, bashkë me drejtorin e Drejtorisë për Investime Kapitale, Krenar Xh Xhaferi, vizituan lokacionin, vendpunishten tek ish Shkolla e Muzikës në Prishtinë.
Me këtë rast, duke e konsideruar si lokacion të rrezikshëm (i mbetur i tillë për gati tetë viteve) për banorët dhe nxënësit që vijojnë mësimin në shkollën “Elena Gjika” e cila është aty afër, është vendosur që të merren masa urgjente për të siguruar lokacionin deri në vendimin përfundimtar lidhur me të ardhmen e atij ndërtimi, thuhet në postimin në Facebook të Komunës së Prishtinës.
