Njësiti i hetimeve të Trafikut Rajonal të Prishtinës, ka identifikuar personin dhe automjetin që ka qenë i përfshirë në aksidentin e ndodhur dje në rrugën Prishtinë-Fushë Kosovë, ku është lënduar rëndë një këmbësore.
Fillimisht nga hetuesit është përcjellje automjeti i dyshuar, derisa ka arritë në një autoservis në Çagllavicë.
Ka qenë reagimi i shpejtë i hetuesve ai që ka mundësuar arrestimin e personit të dyshuar si dhe konfiskimin e automjetit të tipit Opel Corsa i cili ishte i dëmtuar.
Pas përfundimit të procedurave të nevojshme policore, rasti do të përcillet në koordinim me prokurorin e shtetit, thuhet në postimin në Facebook të PK-së.
