Asociacioni i Komunave të Republikës së Kosovës përmes përfaqësuesve juridik dorëzuan paditë në Gjykatën Themelore në Prishtinë ndaj MASHTI-të dhe MSH-së për kompensim të dëmit material të shkaktuara nga zbatimi i Kontratave Kolektive për Arsim dhe Shëndetësi.
Komunat konsiderojnë se është fakt i pa kontestueshëm përgjegjësia e dy Ministrive për të marrë obligim për kompensimin e dëmit ndaj komunave dhe qëllimi kryesor është që këto mjete tu kthehen komunave. Vlerësohet që Komunave i’u janë marrë mbi 35 milion euro nga buxhetet e tyre e për pasojë kemi mos realizim të projekteve kapitale si dhe vlerësime jo të mira nga auditori në të kaluarën.
Shumica e komunave përmes këtij procesi gjyqësor janë duke e shfrytëzuar të drejten e tyre që mjetet financiare të cilat po i merren komunave nga buxhetet e tyre të kompensohen nga këto dy ministri si nënshkruese të kontratës kolektive, thuhet në postimin në Facebook të Asociacionit të Komunave të Kosovës.
