Policia e rajonit të Prishtinës, po bën një punë të shkëlqyer në drejtim të gjetjes së armëve dhe municioneve si dhe substancave narkotike, që kohëve të fundit kanë qenë ndër prioritetet për t’u luftuar nga ana e policisë.
Në këtë vazhdë, në dy lokacione të ndryshme të rajonit të Prishtinës, pas një kontrolli të detajuar të ushtruar ndaj dy veturave dhe disa të dyshuarve, policia ka arritur të gjejë dhe të sekuestrojë:
-Një revole të tipit TT, e kalibrit 7.62 mm,
-Një revole të tipit BERETTA, e kalibrit 7.65 mm,
-Një revole të tipit ZASTAVA, e kalibrit 9 mm,
-Njëzetekatër (24) copë fishek të llojeve dhe kalibrave të ndryshëm, si dhe
Një sasi të konsiderueshme të substancës narkotike që dyshohet të jetë e llojit kanabis (marihuana).
Ndaj të dyshuarave në konsultim me prokurorin e shtetit, policia ka iniciuar një hetim në drejtim të veprës penale “Mbajtje në pronësi, kontroll ose posedim të pa autorizuar të armës” si dhe “Posedim i paautorizuar i substancave narkotike” dhe të njëjtit i ka proceduar më tej, thuhet në postimin në Facebook të PK-së.
