Ministria e Mbrojtjes ka njoftuar se ekipet e Deminimit të Gardës Kombëtare të Forcës së Sigurisë së Kosovës, pas njoftimit nga një qytetar kanë intervenuar në fshatin Krushicë e Poshtme, Komuna Suharekë, ku kanë eliminuar rrezikun nga një grumbull i minave anti personale (PMA-3), të cilat ishin rrezik për banorët e këtij lokaliteti.
Lusim qytetarët që kurdo dhe kudo që gjejnë apo që dyshojnë pēr mjete të rrezikshme mos të ndërmarrin masa por të njoftojnē FSK-në apo Policinë e Kosovës në mënyrë që të elimiohet rreziku dhe të shpëtohen jetë njerëzish, thuhet në postimin në Facebook të Ministrisë së Mbrojtjes.
