Kryetari i Komunës së Prishtinës, Përparim Rama ka falënderuar të gjithë bokserët për vetmohimin e tyre. Ai ka thënë se pritjet nga bokserët e sportistët janë të mëdha prandaj duhet punë e madhe e dedikim për të performuar e fituar jo vetëm tituj por edhe zemrat e shikuesve.
Rama në postimin e tij në Facebook ka thënë se Prishtina dhe Kosova kanë një histori të pasur të boksit, mbrëmë bokserët shqiptar treguan shpirtin luftarak përballë kundërshtarëve ndërkombëtar.
Mbrëmë mbyllëm nje natë sportive të karakterit ndërkombëtar në Kryeqytet. Edhe pse eventi u përcoll me shi, stadiumi “Fadil Vokrri” ushtonte nga entuziazmi i qytetarëve për të ndjekur këtë event historik.
Në veçanti, Robin Krasniqi dhe Nadjib Mohammedi na mbajtën në ethe përgjatë tërë meçit.
I falënderoj të gjithë sportdashësit e pranishëm, mysafirët nga të gjitha trojet shqiptare dhe shumë miq ndërkombëtar që ndoqën me entuziazëm të rrallë këtë event.
