Ministri i Mbrojtjes, Armend Mehaj ka bërë dorëzimin e detyrës tek ministri i ri, Ejup Maqedonci.
Mehaj në postimin e tij në Facebook ka thënë se në një takim të përbashkët e ka njoftuar Maqedoncin për të arriturat në Ministrinë e Mbrojtjes, për punët dhe proceset të cilat janë të angazhuar në këto momente si dhe angazhimet të cilat e presin në vazhdim, gjithashtu ministrit të ri, Maqedonci i ka ururar detyrën e re duke i dëshiruar punë të mbarë dhe përkushtim në përgjegjësinë e re.
Jam i bindur që ai do të vazhdojë punët e mira që kemi filluar dhe gjithashtu do të ngrit në nivelet më të larta Forcën e Sigurisë së Kosovës.
Përgatitja e tij është dëshmia më e fortë që ministri Maqedonci do të vazhdojë me suksese të reja në ushtrinë tonë.
Urimet më të mira, ministër Ejup Maqedonci për ju dhe familjen tuaj!
