Ministri i Mbrojtjes i Republikës së Turqisë, Yaşar Güler, uron ministrin Maqedonci për emërimin e tij në detyrën e re.
Në një letër urimi, ministri i Mbrojtjes i Republikës së Turqisë ka uruar ministrin Ejup Maqedoncin për fillimin e tij në detyrën e re si Ministër.
Në letrën e ministrit Güler thuhet se zgjedhja e ministrit Maqedonci në këtë post të rëndësishëm është shenjë e besimit në eksperiencën, njohuritë si dhe aftësitë profesionale e udhëheqëse të tij.
Ndërsa shpreh bindjen se bashkëpunimi bazuar në miqësinë e ndërsjelltë dhe mirëkuptimin ndërmjet dy Ministrive dhe Forcave të Armatosura do të thellohet më tutje me kontributin e ministrit Maqedonci si udhëheqës i këtij institucioni.
Në fund Ministri Güler u uron shëndet, suksese dhe mirëqenie të gjithë anëtarëve të shquar të Ministrisë së Mbrojtjes të Republikës së Kosovës, thuhet në postimin në Facebook të Ministrisë së Mbrojtjes.
