KDI: Udhëzimi administrativ për largimin e kryetarëve tejkalon ligjin

Qeveria e Kosovës ka mbështetur mbajtjen e zgjedhjeve të reja në katër komunat veriore, por duke vlerësuar se mënyra më e mirë është që kjo të bëhet përmes iniciativës së 20% tëqytetarëve. Për këtë qëllim, është formuar grupi punues nëkuadër të MAPL-së, i cili ka afat që deri nesër të finalizojëudhëzimin administrativ lidhur me iniciativën e qytetarëve për largimin e kryetarëve të komunave.

Pavarësisht rëndësisë së këtij udhëzimi, procesi i hartimit të tij është përcjellë me mungesë të transparencës dhe gjithëpërfshirjes. Madje, MAPL-ja ka vepruar në shpërputhje me standardet minimale për konsultime publike, duke e mbajtur të hapur në konsultim publik këtë udhëzim për vetëm katër ditë pune.

KDI edhe më parë kishte vënë theksin tek rëndësia që udhëzimi administrativ të jetë në përputhje të plotë me dispozitat ligjore. Megjithatë, vlerësojmë që drafti i përgatitur nga MAPL-ja ka tejkaluar përcaktimet ligjore të ligjit për vetëqeverisjen lokale. Në njërën anë, MAPL-ja ka përcaktuar procedura, afate dhe obligime në kuadër të iniciativës që shkojnë përtej ligjit, e nëanën tjetër, nuk ka adresuar paqartësitë në zbatimin e dispozitave në fuqi.

Specifikisht, udhëzimi kundërligjshëm përcakton një afat prej 30 ditësh për mbledhjen e nënshkrimeve, gjë që ua kufizon qytetarëve vullnetin për ushtrimin e një të drejte ligjore, si dhe paradoksalisht përcakton afat shtesë për plotësimin e kërkesës me nënshkrime të reja, nëse nuk arrihet kriteri prej 20% tëvotuesve të regjistruar. Në anën tjetër, udhëzimi nuk ka precizuar se cila listë e votuesve do të merret për bazë nëinicimin e kërkesës dhe zhvillimin e procesit të votimit.

Prandaj, në këto rrethana, KDI rithekson që udhëzimi administrativ, përveç se në kundërshtim me ligjin, është i pamjaftueshëm për të mundësuar largimin e kryetarëve tëkomunave. Për zhvillimin adekuat të këtij procesi, është i domosdoshëm miratimi i legjislacionit përkatës sekondar nga Komisioni Qendror i Zgjedhjeve.

Kësisoj, KDI i konsideron dorëheqjet e kryetarëve aktualë tëkomunave veriore, si zgjidhjen më efikase për tejkalimin e situatës dhe zgjedhjen e institucioneve të reja legjitime, thuhet në komunikatën për media e KDI-së.