Ministria e Shëndetësisë njofton qytetarët se përveç shtimet të terminëve të reja për vaksinim kundër COVID-19, me rastin e aplikimit dhe caktimit të terminëve për vaksinim, platforma eKosova mundëson që tani, një qytetar të caktojë termine për 10 persona të tjerë.
Platforma për caktim të terminëve: https://ekosova.rks-gov.net/
Ministria e Shëndetësisë u bën thirrje qytetarëve që të aplikojnë dhe caktojnë termine për marrje të vaksinës kundër COVID-19 dhe në të njëjtën kohë të zbatojnë masat kundër Covid-19 si bartja e maskës, higjiena, ruajtja e distancës dhe shmangia nga grumbullimet ku rreziku për bartje të virusit korona është i lartë, thuhet në komunikatën për media e MSh-së.
