Ministri i Mbrojtjes, Armend Mehaj ka bërë të ditur se në mbledhjen e Qeverisë është miratuar propozim-vendimi lidhur me Nismën legjislative për Projektligjin për Komisionerin Parlamentar të FSK-së.
Mehaj në postimin e tij në Facebook ka thënë se pas shqyrtimit dhe miratimit në Kuvend do të kemi institucionin që do të mbrojë të drejtat dhe liritë e njeriut të ushtarëve, nënoficerëve, kadetëve dhe oficerëve të FSK-së.
Edhe një sukses i radhës,
Sot në mbledhjen e Qeverisë miratuam propozim-vendimin lidhur me Nismën legjislative për Projektligjin për Komisionerin Parlamentar të FSK-së.
Pas shqyrtimit dhe miratimit në Kuvend edhe ne do të kemi institucionin që do të mbroj të drejtat dhe liritë e njeriut të ushtarëve, nënoficerëve, kadetëve dhe oficerëve të FSK-së, sipas praktikave më të mira të vendeve anëtare të NATO-s.
Shumë urime e vazhdojmë drejtë sukseseve të radhës!
