Ambasadori i Shteteve të Bashkuara të Amerikës në Kosovë, Jeff Hovenier ka dënuar sulmet që iu bënë Policisë së Kosovës në pikën kufitare me Serbinë, deri sa ata po kryenin detyrën e tyre.
Hovenier në postimin e tij në Twitter ka bërë thirrje kundër spekulimeve që do të rrisnin tensionet dhe do të dënojnë çdo përpjekje për ta penguar këtë punë thelbësore.
“Ambasada e SHBA është thellësisht e shqetësuar nga raportimet për të shtëna me armë dhe gurë të hedhur në drejtim të zyrtarëve kosovarë të sundimit të ligjit, afër Zubin Potokut. Këto sulme ndodhën teksa autoritetet sovrane përgjegjëse për ruajtjen e paqes dhe sigurisë po kryenin detyrat e tyre zyrtare.
Ne e dënojmë fuqishëm këtë dhunë të mjerueshme, të pajustifikueshme. Zyrtarët e sundimit të ligjit janë përgjegjës për hetimin e situatës. Ne bëjmë thirrje kundër spekulimeve që do të rrisnin tensionet dhe do të dënojmë çdo përpjekje për ta penguar këtë punë thelbësore”.
