KRU ”Prishtina” ka bërë të ditur se pagesat e shpenzimit të ujit tashmë mund t’i realizoni direkt përmes platformës “ Pagesa Direkte ” ose për ju të cilët tanimë jeni të regjistruar në platformën e kartelës online, mund të bëni edhe pagesat e faturës së shpenzimit të ujit në kohë reale.
Platforma “Pagesa Direkte” në ueb faqen e KRU “Prishtina” sh.a është zhvillimi i fundit që u mundëson konsumatorëve pagesa të shpejta vetëm duke shënuar të dhënat e kërkuara online.
Pagesa Direkte dallon nga pagesat e tjera, ngase është e destinuar vetëm për pagesa të ujit, shpejt, lehtë pa pasur nevojë të regjistroheni.
Çka ju duhet të bëni është të vizitoni www.kartela.kru-prishtina.com, në menun kryesore shtypni, pagesa direkte, pastaj shënoni të dhënat tuaja, si shifrën e konsumatorit dhe të dhënat bankare.
Jo vetëm kaq, pasi nëpërmjet kësaj platforme elektronike, konsumatorëve të regjistruar u krijohet mundësia për lehtësira të tjera, siç janë edhe kontrollimi i shpenzimeve te ujit, pagesave, faturave dhe administrimi i më shumë se një ujëmatës.
Për të gjithë konsumatorët shtëpiak apo komercial që jetojnë jashtë Kosovës, shërbimet e ujit te shpenzuar dhe pagesat per pronat e tyre mund t’i bëjnë përmes web-it ose përmes telefonit, mjafton që të vizitoni web faqen e KRU “Prishtina” sh.a
Për të pasur qasje në këtë shërbim duhet të bëhet regjistrimi, i cili është një procedurë shumë e thjeshtë.
Mjafton që konsumatori të ndjekë udhëzimet e faqes nëpërmjet vendosjes së të dhënave të faturës me KRU “Prishtina” sh.a .
E-Krup së shpejti edhe në platformën android dhe IOS, thuhet në komunikatën për media e KRU Prishtina.