Komuna e Prishtinës dhe UN Women Kosovo nënshkruajnë Memorandum Mirëkuptimi me qëllim të integrimit të gruas dhe fuqizimit të saj në vendimmarrje në qeverisje lokale.
Ky Memorandum i zotohet për prioritizim të aspektit gjinor përmes aktiviteteve të parapara si në vijim:
-Integrim gjinor në programet vendore, zbatim dhe monitorim i tyre, nëpërmjet aplikimit të buxhetimit të përgjegjshëm gjinor si mjet;
-Fuqizim i kapaciteteve të administratës komunale dhe përmbushja e zotimeve sipas Ligjit për Barazi Gjinore;
-Avancim i proceseve të planifikimit dhe programit të buxhetimit të përgjegjshëm gjinor në nivel vendor;
-Përpilim i Draft Planit Komunal të Veprimit Gjinor – të mësuarit nga praktikat më të mira në rajon;
-Përmirësim i mbledhjes së të dhënave të ndara sipas gjinisë, raportimi dhe avancimi i statusit të grave dhe burrave në nivel lokal;
-Sigurim i pjesëmarrjes së qytetarëve dhe mekanizmave të konsultimit në nivel lokal duke marrë parasysh në mënyrë të barabartë nevojat e grave dhe burrave;
Shkëmbim i përvojave në nivel kombëtar dhe rajonal dhe mësim nga praktikat e mira të vendeve të tjera në prezantimin e Buxhetimit të Përgjegjshëm Gjinor, thuhet në postimin në Facebook të Komunës së Prishtinës.
