Ministria e Arsimit, Shkencës dhe Teknologjisë (MASHTI) bën të ditur se ka vdekur prof. dr. Vedat Kiseri.
Profesor Kiseri ishte ndër ata intelektualë që tërë jetën e vuri në dispozicion të arsimimit të gjeneratave të reja dhe zhvillimit të arsimit, duke dhënë kontribut të madh si profesor apo në pozita drejtuese në Universitetin e Prishtinës, në Universitetin e Prizrenit, por edhe në përkthimin e shumë poezive nga gjuha angleze.
MAShTI dhe ministrja Arbërie Nagavci shprehin ngushëllime të sinqerta familjes Kiseri, të afërmve, miqve, bashkëpunëtorëve e studentëve të Prof.dr. Vedat Kiserit, thuhet në postimin në Facebook të MAShTI-t.
Telegram ngushëllimi
Me pikëllim të madh e morëm lajmin për ndarjen nga jeta të profesorit universitar Prof.dr. Vedat Kiseri.
Profesor Kiseri ishte ndër ata intelektualë që tërë jetën e vuri në dispozicion të arsimimit të gjeneratave të reja dhe zhvillimit të arsimit, duke dhënë kontribut të madh si profesor apo në pozita drejtuese në Universitetin e Prishtinës, në Universitetin e Prizrenit, por edhe në përkthimin e shumë poezive nga gjuha angleze.
Vlerat e tij intelektuale e njerëzore do të mbesin përgjithmonë në kujtimet e shumë gjeneratave të studentëve dhe bashkëpunëtorëve të tij, ndërsa vepra e tij i takon historisë së arsimit shqiptar si trashëgimi e vlefshme.
Në emër të MAShTI u shpreh ngushëllime të sinqerta familjes Kiseri, të afërmve, miqve, bashkëpunëtorëve e studentëve të Prof.dr. Vedat Kiserit.
Pushofsh në paqe, profesor Kiseri!
Arbërie Nagavci, Ministre e Arsimit, Shkencës, Teknologjisë dhe Inovacionit.
