23 vite më parë ishin formuar Trupat Mbrojtëse të Kosovës si pasardhëse të Ushtrisë Çlirimtare dhe pararendëse të Ushtrisë së Kosovës.
Ministri i Mbrojtes, Armend Mehaj në postimin e tij në Facebook ka thënë se 23 vite nga kur trupat të cilët ishin përgjegjëse për ndalimin dhe zvogëlimin e dëmeve nga katastrofat natyrore janë shndërruar në ushtri të ngritur profesionalisht, e të gatshme në aspektin operacional t’i dalin në ndihmë qytetarëve të vet jo vetëm në rast të katastrofave natyrore por edhe ta mbrojnë çdo pëllëmbë të Republikës së Kosovës, shtetësisë së atdheut tonë ndaj çdo rreziku e kërcënimi.
Kemi bërë një rrugë të gjatë plotë sakrifica, por sot kemi një ushtri që denjësisht prezanton të gjitha virtytet e aspiratat e komandantit legjendar Adem Jashari, bashkëluftëtarve të tij e atdhetarëve të tjerë.
Kemi edhe shumë rrugë për të bërë, por qëllimi ynë është i qartë, e vullneti ynë është i hekurt.
Destinacioni ynë është anëtarësimi në aleancën më të madhe që siguron paqen e stabilitetin, NATO është vendtakimi e pikëvazhdimi i misioneve të përbashkëta me shtetet partnere.
