Në Kampusin e Qendrës së Studentëve janë mbjellur 40 drunj nga misioni i Bashkimit Evropian i EULEX-it në Kosovë.
Në këtë aktivitet morën pjesë drejtori i Qendrës së Studentëve, Fatmir Sfishta, kryesuesi i Misionit të Eulexit, Lars Gunnar Wigemark dhe ministri i Bujqësisë, Pylltarisë dhe Zhvillimit Rural, Faton Peci.
Sfishta falënderoi pjesëmarrësit dhe u zotua se do të mirëmbahen drunjët e mbjellur.
Kryesuesi i EULEX-it Wigemark tha se qëllimi i këtij aktiviteti nuk është vetëm mbjellja e drunjve por edhe zvogëlimi i karbonit dhe gjurmëve të tij.
Ai pati një mesazh për qytetarët të cilët jetojnë në disaporë, tha që nësë prej tyre, secili do të mbillte nga një dru qëllimi do të arrihet shumë më shpejtë.
Ndërsa ministri i Bujqësisë, Faton Peci tha se mbjelljen e 1 milion fidanëve do ta përmbyllim deri në fund të vitit. Ai tha se mbjellja e këtyre drunjëve në këtë kampus ka simbolikën në përmirësimin e gjendjes së ambientit dhe zvoglimin e emetimit të dioksidit të karbonit, thuhet në postimin në Facebook të Qendrës së Studentëve Prishtinë.
