Për herë të parë Kosova do të jetë pjesëmarrëse në Konferencën për Ndryshime Klimatike të Kombeve të Bashkuara.
Ministri I Mjedisit, Planifikimit Hapësinor dhe Infrastrukturës, Liburn Aliu me ftesë të Qeverisë Gjermane dhe ministres së Punëve të Jashtme të Gjermanisë, Anna Baerbock, do të merr pjesë në Konferencën e Anëtarëve (COP27), me ç’rast do të zhvillojmë takime bilaterale lidhur me financimet e mundshme për adaptimin ndaj ndryshimeve klimatike dhe implementimim e Marrëveshjes së Parisit.
Aliu në postimin e tij në Facebook ka thënë se pasi që mbetemi i vetmi shtet pa qasje direkte në fondet multilaterale të OKB-së, me datë 18 nëntor, në hapësirat e Pavilionit Gjerman në Egjipt, do të prezantojmë agjendën tonë që ka të bëjë me nevojat për investime në përshtatjen ndaj ndryshimeve klimatike dhe synimet tona për dekarbonizimin.
Qëllimi final i pjesëmarrjes tonë është që të anëtarësohemi në Konventën për Ndryshime Klimatike të Kombeve të Bashkuara (UNFCCC), rrjedhimisht Kosova të ketë mundësinë që të negocioj dhe të ketë qasje në fonde për ndryshime klimatike.
