Në Taksim të Stambollit ka ndodhur një shpërthim ku dyshohet për sulm terrorist. Policia, ambulancat dhe zjarrfikësit, janë në vendin e ngjarjes. Raportohet për 6 të vdekur dhe 53 të lënduar.
Ambasada e Republikës së Kosovës në Ankara shprehë ngushëllimet e sinqerta për viktimat e shpërthimit i cili ndodhi sot në Stamboll, ndërsa të lënduarve iu dëshirojnë shërim të shpejtë.
Përfaqësitë diplomatike të Republikës së Kosovës në Turqi janë në komunikim të ngushtë me autoritetet vendore turke lidhur me zhvillimet e fundit.
Luten shtetasit tanë të cilët gjenden në Stamboll që në rast nevoje të kontaktojnë në numrin emergjent të Konsullatës së Përgjithshme të Republikës së Kosovës në Stamboll. +90 (531) 105 63 91, thuhet në postimin në Facebook të Ambasadës së Kosovës në Ankara.
