Organizata për rritjen e e Cilësië në Arsim -ORCA, njofton se pas aksionit të sotëm, në vend që të largohet nga objekti plagjiatori Bujar Dugolli, u larguan aktivistët që po e pengojnë plagjiaturën. Kjo e tregon fytyrën e vërtetë të sistemit arsimor, sistemit të hetimeve dhe drejtësisë në Kosovë
Aktivistët e ORCA thonë se në qershor të këtij viti u shpallën plagjiatorë Bujar Dugolli dhe Ardian Kastrati, masat ndëshkimore nga Këshilli i Etikës ishin qesharake, mos mentorim i temave të diplomës nga ana e plagjiatorëve. Ndërsa sot, për aksionin protestues kundër plagjiatorëve, aktivistët Rron Gjinovci dhe Dibran Hoxha u intervistuan nga Policia e Kosovës si të dyshuar për veprën penale Pengim i Personit zyrtar në kryerjen e detyrave zyrtare, që dënohet me burgim nga tre muaj në tre vite, kur në fakt nuk u pengua personi zyrtar, por plagjiatori zyrtar – Bujar Dugolli.
Avokatja Rina Kika theksoi qartazi se aktivistët e ORCA-s në mënyrë paqësore shprehën protestën e tyre për një çështje të interesit publik siç është arsimi cilësor. Kategorizimi i aksionit paqësor si pengim i personit zyrtar nga Policia është i dëmshëm dhe dekurajon të tjerët për ushtrimin dhe gzimin e të drejtës në protestë paqësore, e drejtë kjo që është e mbrojtur me Kushtetutë.
Publikut po ia bëjmë me dije se ne në ORCA nuk e kemi ndërmend të ndalemi as të zmbrapsemi deri sa plagjiatorët të mbesin jashtë institucioneve të arsimit në Kosovë.
Plagjiatura nuk do të kalojë dhe rezistenca ndaj mashtruesve vetëm sa do të rritet, thuhet në postimin në Facebook të ORCA-së.
