Kryetari i Prishtinës, Përpartim Rama ka njoftuar se për nder të Epopesë së Ushtrisë Çlirimtare të Kosovës, të gjitha shkollat në kryeqytet orën e parë të mësimit e kanë dedikuar për të ndarë copëza tregimesh nga historia moderne e Republikës së Kosovës.
Rama në postimin e tij në Facebook ka thënë se ishte kënaqësi të rikthehet në shkollën e tij ”Hasan Prishtina”, sërish si një nxënës i rritur për të dëgjuar rrëfime nga Ushtria Çlirimtare e Kosovës.
Bashkë me Besianë Musmurati, drejtoreshën e Arsimit në Prishtinë, patëm kënaqësinë të dëgjojmë një rrëfim inspirues nga Aida Dërguti, dikur ushtare e Ushtrisë Çlirimtare e Kosovës, e sot një grua që vazhdon të na frymëzojë si shembull i guximit të një gruaje luftëtare.
