Kolektivi “Marshojmë s’festojmë” mban protestë në kërkim të respektimit të të drejtave të grave

Kolektivi “Marshojmë s’festojmë” ka mbajtur protestë në kërkim të respektimit të të drejtave të grave në Kosovë.

Edhe këtë vit, marshi i 8 marsit ka nisur nga Pallati i Drejtësisë dhe ka vazhduar në sheshin Zahir Pajaziti.

Protestueset kanë kërkuar dënime maksimale për vrasësit, dhunuesit dhe ngacmuesit e grave dhe për më shumë siguri në ambientet publike dhe private.

Rrjeti i Grave të Kosovës ka thënë se numri më i madh i viktimave janë vajzat e moshës 13 deri 16 vjeç, kurse janë vrarë 50 gra, thuhet në postimin në Facebook të Kolektivit “Marshojmë s’festojmë”.