Shërbimi Spitalor Klinik dhe Universitar i Kosovës ka bërë të ditur se 1 mijë e 69 kandidatë që kanë plotësuar kushtet dhe kriteret e konkursit për infermierë Bachelor për Qendrën Klinike Universitare të Kosovës, sot i janë nënshtruar testimit me shkrim.
Organizimin dhe rrjedhën e testimit e ka monitoruar zëvëndësdrejtoresha e ShSKUK-së, Narqize Arënliu-Hoxhaj, e cila i’u uroj suksese kandidatëve, duke garantuar proces transparent.
Ditëve të kaluar janë mbajtur testimet për profile të tjera infermierore.
Pranimi i infermierëve do të ndikojë në rritjen e cilësisë së shërbimeve shëndetësore, thuhet në postimin në Facebook të ShSKUK-së.
