Ministri i Mbrojtjes, Armend Mehaj, shoqëruar nga drejtori i Drejtorisë së Inteligjencës në MM, gjeneralmajor Gëzim Hazrolli, janë pritur në takim nga oficeri kryesor i kreut të Shtabit të Ushtrisë së Bangladeshit, gjenerallejtënant Waker-uz-Zaman, ku fokus të diskutimeve kishin trajnimet e përbashkëta, inxhinierinë ushtarake, misionet paqeruajtëse, si dhe rritjen e numrit të grave në ushtri.
Në këtë takim u theksua se shkëmbimi i përvojave në këto fusha është domethënës për të dyja palët.
Gjithashtu, u bisedua për realizimin e ushtrimeve të përbashkëta, të cilat, po ashtu mbështeten nga Shtetet e Bashkuara të Amerikës, siç është ushtrimi për menaxhimin e emergjencave në të cilin u dakorduan për pjesëmarrje.
Ministri Mehaj theksoi se partneriteti i barabartë dhe bashkëpunimi në fusha të përbashkëta, do të jetë me rëndësi parësore në marrëdhëniet në mes të të dy vendeve, thuhet në postimin në Facebook të Ministrisë së Mbrojtjes.
