Komuna e Prishtinës bën të ditur se kryetari Përparim Rama së bashku me ambasadorën e Vullnetit të mirë për Kosovën, Elvana Shala nënshkruan një marrëveshje bashkëpunimi për Projektin “Fushata 30 ditore – Prishtina një qytet pa barriera”.
Qëllimi i këtij projekti është të përmirësohet infrastruktura e Prishtinës dhe të sigurohet qasja më e lehtë për personat me aftësi të kufizuara, të moshuarit dhe kategoritë e tjera me vështirësi të ndryshme në lëvizje, në hapësirat e ndryshme të qytetit dhe në objekte institucionale private dhe publike.
Bashkë të ndërtojmë një kryeqytet më të përshtatshëm për të gjithë, thuhet në postimin në Facebook të Komunës së Prishtinës.
