Shërbimi Spitalor, Klinik dhe Universitar i Kosovës, ka bërë të ditur se një fëmijë i moshës 4 vjeçare nga Mitrovica kishte përpirë një monedhë metalike, i cila kishte depërtuar në lukth duke i’a rrezikuar seriozisht shëndetin ku pas komplikimit të gjendjes shëndetësore, ishte shtrirë në Klinikën e Kirurgjisë së Fëmijëve në QKUK.
Janë ndërmarrë masat e nevojshme reanimatore nga anesteziologët e Klinikës së Anesteziologjisë dhe pastsj specialistët e Klinikës së Gastroenterologjisë me Hepatologji, përmes metodave endoskopike, fëmijës i larguan monedhën metalike nga lukthi ku tani ai po mbikëqyret nga stafi i Klinikës së Kirurgjisë së Fëmijëve.
Mjekët apelojnë tek prindërit që të kenë kujdes të shtuar dhe mos të lejojnë që fëmijët të mbajnë monedha metalike dhe gjësende të imëta që mund t’i gëlltisin dhe të ju shkaktojnë telashe shëndetësore, thuhet në postimin në Facebook të ShSKUK-së.
