Presidentja e Republikës së Kosovës, Vjosa Osmani, me rastin e 24 majit- Ditës së Presidentit, ka bërë nderime te shtatorja e Presidentit historik, Dr. Ibrahim Rugova.
Presidentja Osmani për Ditën e Presidentit ka qëndruar në familjen e Presidentit Rugova, ku dera është gjithnjë e hapur për miq.
Presidentja Osmani në postimin e saj në Facebook ka thënë se në Ditën e Presidentit, çdo vit pritja shoqërohet edhe me tortën e Presidentit, gatuar enkas për këtë ditë nga duart e arta të zonjës Fanë, për ta kujtuar atin themeltar të Republikës.
