Për të dytin vit radhazi në kryeqendrën kulturore të vendit, në Prizren do të mbahet festivali ndërkombëtar i teatrit në ambient të hapur – PRIZREN FEST! i cili do të mbahet prej 22-28 korrik 2023.
Në këtë edicion të dytë të festivalit ndërkombëtar të teatrit në ambient të hapur, përveç shfaqjeve të shumta teatrore nga vende të ndryshme pjesëmarrëse si: Kosova, Shqipëria, Mali i Zi, Çekia, Bullgaria, Ukraina, Italia, Sllovakia, Greqia e Maqedonia e Veriut, në kryeqendrën kulturore të vendit do të promovohen edhe asetet e trashëgimisë kulturore, monumentet e shumta të Prizrenit, i cili shquhet për trashëgiminë e pasur kulturore dhe për mundësinë që në një hapësirë aq të vogël të qytetit të mund të vizitohen aq shumë objekte.
E gjerë do të jetë edhe gama e fushave artistike që do të jenë pjesë e programit të festivalit Prizren Fest.
Edicioni i parë i festivalit PRIZREN FEST përfundoi me sukses, prandaj nisur nga kjo për edicionin e dytë të PRIZREN FEST 2023 pritet të ketë edhe më shumë sukses, thuhet në komunikatën për media e Prizren Fest-it.
