Kryetari i Prishtinës, Përparim Rama së bashku me ambasadorin e SHBA në Kosovë, Jeffrey Hovenier dhe bashkëthemeluesin dhe drejtorin e OJQ “Autostrada Biennale, Leutrim Fishekqiu, kanë nënshkruar marrëveshjen e bashkëpunimit për projektin “Ndërtimi i urave përmes Artit dhe Kulturës, Programi i Shkëmbimit Kreativ SHBA – Kosovë”.
Rama në postimin e tij në Facebook ka thënë se qëllimet bazë të kësaj marrëveshje bashkëpunimi janë të promovojë dhe të mbështes industrinë kreative dhe kulturore në Kosovë, të mundësojë shkëmbimin e njohurive dhe shkathtësive ndërmjet artistëve vendas dhe ekspertëve amerikan si dhe të rritë mirëkuptimin ndërkulturor përmes iniciativave të diplomacisë kulturore.
