Kryetari i Komunës së Prishtinës, Përparim Rama ka bërë të ditur se në Parkun e Gërmisë është duke u punuar në përmisimin e gjithë infrastrukturës së parkut, kanë përmisuar infrastrukturën e shtigjeve dhe kanë përuruar hartën e Gërmisë.
Rama në postimin e tij në Facebook ka thënë se Gërmia është shumë e pasur me florë e faunë; biodiversitetin e saj e shijojmë çdo ditë, qukapiku i zi, zogu “sitta europea”, ketrushi, flutura tigër dhe cërli gushëgjelbër janë vetëm disa nga gjallesat që mund t’i shohësh në malet e Gërmisë tonë të bukur.
Sa herë vizitoni parkun do të mbusheni me ajër të pastër dhe energji pozitive, e do të kënaqeni me pamjet magjepsëse e relaksuese të natyrës.
Gërmia magjepsëse!
