Policia në Vushtrri, ka arrestuar një person të dyshuar për armëmbajtje pa leje.
Arrestimi i të dyshuarit është bërë në rrugën “Faruk Beqiri” në Vushtrri, në kohën kur një njësi patrulluese në një pikë kontrolli ka ndaluar për kontrolle veturën me targa vendore të cilën e drejtonte i dyshuari, me ç’ rast gjatë kontrollit të detajuar tek i dyshuari në posedim të kundërligjshëm janë gjetur dhe konfiskuar:
– një (1( armë e llojit “pistoletë’ me 15 fishekë
– një shufër metali
– një palë dorëza
– një kapelë maskë e zezë
– një mjet i mprehtë brisk
Lidhur me rastin, në cilësi të të dyshuarit është inetrvistuar B.B., 52 vjeçar, shtetas i Republikës së Kosovës, ndërsa pas intervistimit me urdhër të prokurorit të rastit të dyshuarit i është caktuar masa e ndalimit për 48 orë. Ndaj tije është iniciuar rast për veprën penale ”mbajtje në pronësi, posedim dhe kontroll të paautorizuar të armëve’’, thuhet në postimin në Facebook të PK-së.
