Presidentja e Republikës së Kosovës, Vjosa Osmani ka uruar vitin e ri shkollor.
Presidentja Osmani ka thënë se me mendje të hapura për dije dhe zemra të mbushura me emocione, nxënësit tanë po e nisin këtë vit të ri shkollor, i cili është një kapitull i ri, një mundësi për të mësuar diçka të re, për ta sfiduar veten dhe për ta zgjeruar horizontin e dijes.
Më tej, presidentja Osmani ka theksuar se beteja për dije nuk përfundon kurrë.
“Ndërsa po nisni një vit të ri shkollor, le ta sjellim në vëmendje se arsimimi nuk ka të bëjë vetëm me libra dhe teste, por me kultivimin e ndjeshmërisë, të menduarit kritik dhe kreativitetin. Beteja për dije nuk përfundon kurrë! Urime 1 shtatori.
Presidentja Osmani ka theksuar se sukseset e shënofshin çdo ditë të këtij viti shkollor, thuhet në komunikatën për media e Zyrës së Presidentes.
