Kryetari i Prishtinës, Përparim Rama ka bërë të ditur se me 1 tetor të gjithë duhet të vrapojmë për një kauzë shumë të rëndësishme, ndërgjegjësimin ndaj sëmundjes së kancerit të gjirit.
Rama në postimin e tij në Facebook ka bërë apel nënave, motrave, grave që të bëjnë kontrolle në Qendrat tona të mjekësisë familjare, në tre QMF mund ta bëni mamografinë falas, në Qendrën Kryesore të Mjekësisë Familjare, në atë të lagjes “Dardania” dhe në QMF “Veternik”.
Kontrolli dhe zbulimi me kohë i sëmundjes mund të shpëtojë jetë!
Autobusët e Trafikut Urban Prishtinë tashmë kanë marë ngjyrë rozë në kuadër të fushatës “Race for the Cure Prishtina”.
Falënderoj drejtorin e Drejtorisë së Shëndetësisë, Dr. Izet Sadiku dhe po ashtu doktorët e bashkëpuntorët tjerë për punën e palodhshme që po e bëjnë për këtë kauzë të rëndësishme.
