Kryetari i Prishtinës, Përparim Rama ka njoftuar se Termokosi sezonin e ri do ta fillojë me kyçje të reja.
Rama në postimin e tij në Facebook ka thënë se gjatë këtyre muajve kemi kyçur 40.000 qytetarë në 8900 njësi të reja banimi.
Kemi zgjeruar, rehabilituar dhe densifikuar rrjetin në 8 lagje të Kryeqytetit. Mati 1, Arbëri, Dodona, Ulpianë, Qendër, Dardani, Bregu i Diellit, Qafa.
Përgatitjet janë bërë që gjithçka të fillojë si duhet në tetor.
Kyçjet e reja do të kontribuojnë në kursim të energjisë dhe ruajtjes së ambientit në mënyrë që të kemi një Prishtinë sa më të gjelbër.
