Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell ka biseduar në telefon me kryeministrin e Kosovës, Albin Kurti dhe presidentin e Serbisë, Aleksandar Vucic, pas sulmit kundër Policisë së Kosovës.
Borrell dënoi me shprehjet më të forta agresionin e sotëm, të tmerrshëm dhe frikacak terrorist kundër Policisë së Kosovës.
Përfaqësuesi i Lartë, Borrell shprehu ngushëllimet e tij për familjen, kolegët e punonjësit të policisë që humbi jetën në krye të detyrës dhe u uroi shërim të shpejtë punonjësve të policisë të plagosur.
Përfaqësuesi i Lartë Borrell përsëriti thirrjen e tij për sulmuesit që të dorëzohen menjëherë dhe lirimin e pelegrinëve në Manastirin e Banjskës, që ata të largohen të sigurt. Ai bëri thirrje për rivendosjen e qetësisë dhe stabilitetit.
EULEX-i, si reagues i dytë i sigurisë, po monitoron situatën në terren dhe është i gatshëm të mbështesë institucionet e Kosovës në ruajtjen e stabilitetit dhe sigurisë së të gjitha komuniteteve të saj, në përputhje me mandatin e tij dhe në koordinim të ngushtë me KFOR-in e NATO-n.
Përfaqësuesi Special i BE-së për Kosovën në terren është në kontakt të ngushtë me autoritetet, thuhet në komunikatën për media e Zyrës së Bashkimit Evropian në Kosovë.
