Kryeministri Albin Kurti ka njoftuar se operacioni i heqjes së predhës nga krahërori i majtë i policit Alban Rashiti është kryer me sukses sot në mëngjes.
Kryeministri Kurti në postimin e tij në Facebook ka thënë se predha ishte e një granate dore që e hodhën kriminelët e orkestruar nga Serbia në drejtim të Policisë së Kosovës gjatë sulmit të tyre terrorist afër urës në Banjskë të Zveçanit.
Gjatë vizitës në Klinikën Kirurgjike të QKUK-së takova edhe familjen e Albanit e cila erdhi nga Velekinca e Gjilanit. Polici i plagosur Alban Rashiti do të lirohet sot nga spitali.
