Ministrja e Arsimit, Shkencës, Teknologjisë dhe Inovacionit ka njoftuar se për herë të parë që nga themelimi, Universiteti i Prishtinës është renditur në Times Higher Education (THE), pikë referimi global për përsosmëri në arsim të lartë, kërkim shkencor dhe inovacion.
Nagavci në postimin e saj në Facebook ka thënë se renditja vjetore “THE” vlerëson universitetet në mbarë botën në: mësimdhënie, hulumtim, citime, të hyrat nga industria dhe nga përspektiva ndërkombëtare duke përdorur 13 tregues të përformancës për të ofruar krahasime gjithpërfshirëse dhe të balancuara. Në këtë renditje përfshihen 1,904 universitete nga 108 vende të ndryshme të botës, të cilët rangohen duke llogaritur përformancën e institucioneve të arsimit të lartë.
Përgëzoj Universitetin e Prishtinës dhe gjithë stafin për punën e tyre drejt përmirësimit të cilësisë dhe rangimit të universitetit në lista të njohura ndërkombëtarisht.
Si Ministri e Arsimit do të vazhdojmë ti mbështesim plotësisht drejt arritjes së standardeve që qojnë në avancim të cilësisë dhe performancës.
Më shumë detaje në: https://www.timeshighereducation.com/world-university-rankings/university-prishtina?fbclid=IwAR37sfCQ8-v0esxkWCLPaOifz48f2HhL2Fp1v2fSOCmrf7WoQg_BtW4ifpw
