Nënkryetarja e Komunës së Prishtinës, Donjeta Sahatçiu, ka njoftuar se qytetarët që përdorin autobusët e “Trafikut Urban” nga sot mund të blejnë biletën përmes SMS-ve. Një tjetër synim drejt digjitalizimit të shërbimeve për qytetarë, është vendosur një hap para në reformën e transportit publik.
Sahatçiu në postimin e saj në Facebook ka thënë se siç e kemi paralajmëruar, për herë të parë, qytetarët e Prishtinës mund të blejnë biletën një drejtimëshe dhe biletën ditore në linjat 1, 3, 3B, 3C, 4 dhe 7C si dhe biletën për vajtje ardhje në aeroport, duke dërguar SMS përmes operatorëve IPKO dhe Vala.
Dërgo SMS në 55990 për biletën një drejtim
Dërgo SMS në 55991 për biletën ditore
Dërgo SMS në 55992 për biletën për aeroport
Së shpejti me biletat javore dhe mujore dhe risi të tjera!
Siç edhe jeni njoftuar, nga sot mund të bleni biletat e autobusit të “Trafikut Urban” përmes sms-ve.Ju mund të bleni biletën një drejtimshe dhe biletën ditore në linjat 1, 3, 3B, 3C, 4 dhe 7C. Po ashtu biletën vajtje – ardhje për aeroport, duke dërguar SMS përmes operatorëve IPKO dhe Vala.
1. Për biletën për Linjat 1, 3, 3B, 3C, 4 dhe 7C, dërgoni SMS në numrin 55990 me tekstin: (Emri i linjës).2. Për biletën ditore, dërgoni SMS në numrin 55991 me tekstin: Ditore.3. Për biletën për Linjën 1A, dërgoni SMS në numrin 55992 me tekstin: Linja 1APasi të dërgoni sms-ët ju do të pranoni konfirmimin përmes mesazhit.Ju lutemi ruajeni mesazhin konfirmues për ta paraqitur tek kondukteri.
Pas digjitalizimit, punëtorët (kondukterët) nuk do të mbesin pa punë, por do të sistemohen në ndërmarrje.
