Telekomi i Kosovës ka bërë të ditur se sot në mëngjes, në orën 8:48 minuta, për arsye të vjetërsisë së pajisjeve, të cilat edhe ashtu sipas planit do të ndërrohen shumë shpejt, ka pasur një rënie të përgjithshme të shërbimeve të telefonisë mobile në tërë vendin.
Ekipet teknike po punojnë që shpejt ta sanojnë gjendjen dhe të rikthejnë shërbimet.
Duke i kërkuar ndjesë konsumatorëve, për shqetësimin e arsyeshëm, njoftojnë se këto pajisje do të ndërrohen shumë shpejt dhe qytetarët do të kenë shërbime të nivelit evropian, falë teknologjisë së fjalës së fundit që e kemi instaluar në disa pjesë të Kosovës dhe të cilën do ta instalojmë së shpejti në tërë vendin, kur të gjitha shërbimet të zhvendosen në platformat e reja, thuhet në postimin në Facebook të Telekomit të Kosovës.
