Kryetari i Prishtinës, Përparim Rama ka njoftuar se po vazhdon sinjalizimi i hapësirave për parkim veture për personat me aftësi të kufizuara në shumë pjesë të Kryeqytetit.
Rama në postimin e tij në Facebook Apelon qytetarët që të mos parkojnë në hapsirat e dedikuara për persona me aftësit të kufizuara.
Edhe nëse e paguani parkimin në këto hapësira gjithmonë do të gjobiteni;
Edhe nëse nuk gjeni vende të lira në tjera hapësira, dhe parkoheni këtu, do të gjobiteni;
Edhe nëse në lagjen tuaj nuk është asnjë banorë me nevoja të veçanta dhe ju parkoheni, përsëri do të gjobiteni.
Nuk ekziston justifikim i asnjë forme që do të lejojë tolerancë për parkimin tuaj në këto hapësira, sepse janë të dizajnuara vetëm për personat me nevoja të veçanta.
