Komuna e Prishtinës ka njofituar se U.D drejtoresha e Arsimit në Prishtinë, Donjeta Sahatçiu ka nënshkruar marrëveshjen e mirëkuptimit me Kosova Education Center-KEC për zbatimin e projektit “Mbështetje për transformim digjital të shkollave në Prishtinë.
Sahatçiu ka thënë se kanë filluar në tri shkollat e para pilot SHFMU Iliria Prishtinë, SHFMU ” Xhemail Mustafa” Prishtinë dhe SHFMU “Emin Duraku” Prishtinë për të vazhduar me shkollat e tjera në vijim.
Derisa po punojnë në digjitalizimin e proceseve të mësimdhënies e mësimnxënies, përmes këtij projekti synojnë të përmirësojmë kompetencat digjitale të mësimdhënësve dhe të përkrahin krijimin e një mjedisi mbështetës për mësim digjital, që në fund kontribuon në përmirësimin e cilësisë dhe barazisë në arsim.
Ky projekt mbështetet nga UNICEF Kosovo Programme, thuhet në postimin në Facebook të Komunës së Prishtinës.
