Ministria e Kulturës, Rinisë dhe Sportit ka njoftuar se për organizimin e ngjarjes historike e madhështore, Festivalit të Këngës, i ka dhënë 300.000 euro.
Ministri Hajrulla Çeku ka thënë se ngjarja është më shumë se një festival, është shtëpia e re e artistëve, është kthesë serioze për muzikën shqipe, duke e afruar më pranë zemrës së publikut dhe njëkohësisht, duke e shtruar rrugën për në Eurosong.
Përmes politikave dhe investimeve të duhura si kjo, po zhvillojmë dhe promovojmë artistët dhe vlerat kulturore.
Çeku ka përgëzuar RTK-në për organizimin fantastik dhe në veçanti drejtorin e festivalit, Adi Krasta. Ai ka falënderuar Komunën e Prishtinës për kontributin e tyre për pastrimin dhe rregullimin e sallës së madhe të Pallatit të Rinisë, Suksese të gjithë artistëve pjesëmarrës, thuhet në postimin në Facebook të MKRS-së.
