Ministri i Shëndetësisë, Arben Vitia ka njoftuar se pas një bashkëpunimi të ngushtë kanë zyrtarizuar marrëveshjen e bashkëpunimit mes Shërbimit Spitalor Klinik Universitar dhe Policisë së Kosovës.
Vitia në postimin e tij në Facebook ka thënë se zyrtarët policorë kanë mision shërbimin ndaj qytetarëve, mbrojtjen e rendit dhe sigurisë publike. Ata janë në shërbim në çdo kohë dhe realizojnë detyra të kompleksitetit të lartë. Shëndeti i tyre është prioritet. Marrëveshja ka për qëllim dhënien e shërbimeve me prioritet dhe kontrollet sistematike mjekësore për zyrtarët policorë.
Vëmendje të veçantë i kemi dhënë shëndetit të grave në Policinë e Kosovës.
Kujdesi shëndetësor për zyrtarët policor në QKUK dhe spitale do të jetë një shtyllë e rëndësishme e planifikimit të punës së tyre.
Së bashku do të kujdesemi për shëndetin e Policëve tanë.
